ज्ञानराज सेवाभावी संस्था गुरुकुल आश्रम

विद्या विनयेन शोभतेगुरुकुल आश्रम, आळंदी देवाची

आर्थिक अडचणींमुळे शिक्षणापासून वंचित राहिलेल्या अनाथ आणि गरीब विद्यार्थ्यांना पारंपरिक वारकरी शिक्षण देणे हे संस्थेचे मुख्य ध्येय आहे. अनाथ मुलांसाठी संपूर्ण शिक्षण मोफत असून गरीब विद्यार्थ्यांकडून माफक शुल्क घेतले जाते.

गुरुकुलाची ३ मुख्य तत्त्वे

०१

मोफत शिक्षण व निवास

अनाथ विद्यार्थ्यांसाठी संपूर्ण शिक्षण, निवास व भोजन पूर्णपणे मोफत. गरीब विद्यार्थ्यांकडून केवळ माफक शुल्क.

०२

पारंपरिक वारकरी शिक्षण

ज्ञानेश्वरी पाठ, कीर्तन, प्रवचन, पखवाज व वीणा वादन आणि संत साहित्याचे शुद्ध संस्कार.

०३

स्वावलंबन व शिस्त

पहाटेपासून रात्रीपर्यंत शिस्तबद्ध दिनचर्या, योग, अभ्यास आणि सेवा यातून घडणारे चारित्र्य.

महाराजांचा जीवनप्रवास

महाराज स्वतः दृष्टीहीन आहेत. अत्यंत गरिबी आणि प्रतिकूल परिस्थितीत शिक्षण घेतल्यानंतर त्यांनी निवृत्तीनाथ महाराज वक्ते बाबा आणि खांडे महाराज यांच्याकडून वारकरी संप्रदायाचे शिक्षण व प्रशिक्षण घेतले.

२००६ मध्ये ते आळंदीत आले आणि २००८ पासून गरजू विद्यार्थ्यांना शिकवण्यास सुरुवात केली. २०१९ मध्ये संस्थेची अधिकृत नोंदणी झाली.

गुरुकुलातील दैनंदिन जीवन